సింహీ అపరాజితా మహా మంత్రాలయానికి స్వాగతం. ప్రామాణిక శ్రీక్రమ శాస్త్ర విధానాలను సమగ్రంగా నేర్పే ఒక పాఠశాల లాంటిది ఈ విభాగం . మంత్ర శాస్త్రం ఒక రక్షణా వ్యవస్థ. ఈ శాస్త్రం ఆసక్తి కలిగిన వారు ఎవరైనా నేర్చుకోవచ్చు. ఈ విభాగంలో కుల, వర్ణ, లింగ, వయో భేదాలు లేవు. సాధకుల శ్రద్ధను దృష్టిలో పెట్టుకుని వారికి శాస్త్ర విలువలను సంపూర్ణంగా నేర్పాలనేది ఈ పీఠం యొక్క ఉద్దేశ్యం. మంత్ర శాస్త్రంలో లోతైన విషయాలను తెలియజేస్తూ సక్రమంగా సాధన ఎలా చేయాలో వ్యక్తిగతంగా అభ్యసింపచేసే ఏకైక పీఠమే సింహీ అపరాజితా మహామంత్రాలయం. శాస్త్ర విలువలను దిగజార్చే స్వార్థపరుల కబంధ హస్తాల నుండి శాస్త్ర విలువలను, ఔన్నత్యాన్ని రక్షిస్తూ నిజమైన మంత్రశాస్త్ర సాధనా పద్ధతులను ఈ విభాగంలో విద్యార్ధులు నేర్చుకోవచ్చు.

ఈ విభాగం శాస్త్ర శోధకులకు సరైన మార్గదర్శనం చేస్తూ అవసరం అయినప్పుడు ప్రత్యక్షంగా, పరోక్షంగా వారి సందేహాలను నివృత్తి చేస్తూ వారి సాధనకు సహకరిస్తుంది. ఈ విభాగం 2012 ఆగస్టు 6న ప్రారంభమై సుమారు తొమ్మిది సంవత్సరాలు వివిధ క్షేత్రాలలో విద్యార్థులకు ఉచిత శాస్త్ర విద్య, పోషణ గావించి అనేకులైన శాస్త్ర సాధకులకు సన్మార్గాన్ని ఒసగింది. ఈ విభాగం మొత్తం కమలానందనాధ దీక్షా నామాంకితులు బ్రహ్మశ్రీ ఆకెళ్ళ వీర వెంకట సత్యనారాయణ మూర్తి శర్మ గారి ఆధ్వర్యంలో వారి పర్యవేక్షణలో నిర్వహించబడుతోంది. సుమారు 2 సంవత్సరాలు అరుణాచలంలో ఈ సేవలు నిర్వహించి సుస్థిరంగా పీఠాన్ని అభివృద్ధి చేసేందుకు భాగ్యనగరంలో టీ. ఎంజాల్ గ్రామంలో శరవణ భవాలయ ఆలయ నిర్మాణంలో ప్రధానసలహాలు అందించి అదే ఆలయాన్ని ఆశ్రయించి నిర్వహించబడుతోంది. సింహీ అపరాజితా మహా మంత్రాలయ మంత్ర శాస్త్ర విభాగాన్ని ఎంచుకున్నందుకు ధన్యవాదాలు.